华侨网 港澳新闻 【Emily】睽違十載 黃鴨長高打孖歸來

【Emily】睽違十載 黃鴨長高打孖歸來

闊別香港10年嘅荷蘭巨型橡皮鴨重臨香港,今次唔再「孤單」,而係「打孖上」有兩隻,佢哋噚日喺青衣附近一帶試水約兩個鐘,主辦單位會喺下月正式公布展覽詳情。(楊柏賢攝)
闊別香港10年嘅荷蘭巨型橡皮鴨重臨香港,今次唔再「孤單」,而係「打孖上」有兩隻,佢哋噚日喺青衣附近一帶試水約兩個鐘,主辦單位會喺下月正式公布展覽詳情。(楊柏賢攝)

【時報訊】闊別10年,由荷蘭藝術家霍夫曼(Florentijn Hofman)創作嘅巨型橡皮鴨再一次嚟到香港,噚日喺青衣一帶現身,Emily發現,今次仲多咗隻一模一樣嘅橡皮鴨「打孖」出現,而且身高18米,仲比以前高。

橡皮鴨2007年起游走世界各地,2013年來港。睇番當年報道,高16.5米嘅橡皮鴨喺尖沙嘴海港城一帶停泊咗50日,大批市民去尖沙嘴碼頭附近一睹風采同打卡。Emily記得當年展覽期間發生過小插曲,橡皮鴨一度變「泄氣鴨」,事關當時主辦單位喺展覽期間發現,連接橡皮鴨同浮牀之間嘅繩索有損毁,為安全着想就暫停展覽修補,之後先再恢復展覽。

今年適逢係橡皮鴨訪港10年,嚟緊將會再有海上公共藝術展覽「橡皮鴨二重暢」,橡皮鴨會連埋同伴一齊出現,但詳情就要等下月1日正式公布,主辦單位希望可愛嘅橡皮鴨可以散發藝術嘅治癒力量,溫暖人心,帶嚟更多歡樂。

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

阔别三年 飘色重临

丘应桦吁支持可持续区域经济


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部