【時報訊】投資推廣署長傅仲森（Stephen Phillips）因年齡「夠鐘」卸任，佢噚日喺LinkedIn拍片，分享6年嚟喺投資推廣署嘅感受，不過Stephen強調話自己肯定唔會「掛靴」，會先放幾個月假期去旅行、浮潛同見吓屋企人，8月後會返回亞洲。佢特別留一手話，期待展開事業新一頁，有新消息會公布。
Stephen話，好感謝投資推廣署同事、政府同事同其他合作伙伴，尤其署方幫過手而揀咗落戶香港嘅公司同企業家。佢話，相信香港喺國家政策支持、一國兩制下獨特角色及政府政策下會繼續蓬勃發展；而即使離開咗政府，佢都會繼續幫手推廣香港。
政府早前公開招聘Stephen嘅繼任人，至今未有公布，目前由助理署長蔣學禮暫時署任。
