华侨网 港澳新闻 【Emily】蘇富比拍賣舒麥加F1戰車 估價達7500萬

【Emily】蘇富比拍賣舒麥加F1戰車 估價達7500萬

蘇富比香港春季拍賣預展正喺灣仔會展舉行,拍賣品包括圖中呢部法拉利F1-2000賽車,曾經係米高舒密加嘅戰車,贏過唔少賽事。(中新社)
蘇富比香港春季拍賣預展正喺灣仔會展舉行,拍賣品包括圖中呢部法拉利F1-2000賽車,曾經係米高舒密加嘅戰車,贏過唔少賽事。(中新社)
今次蘇富比香港春季拍賣品噚日展出,包括畢加索喺1948年聖誕節完成嘅作品《坐椅女子》,畫中人係畢加索嘅愛人Françoise Gilot。(中新社)
今次蘇富比香港春季拍賣品噚日展出,包括畢加索喺1948年聖誕節完成嘅作品《坐椅女子》,畫中人係畢加索嘅愛人Françoise Gilot。(中新社)

【明報專訊】蘇富比亞洲50周年誌慶嘅香港春季拍賣會今日開鑼,拍品種類繁多,噚日先安排預展。除咗傳統嘅藝術品同美酒名表,今次嘅焦點仲有世界一級方程式(F1)賽車傳奇米高舒麥加曾經揸過嘅2000年法拉利F1-2000賽車。呢部車曾幫舒麥加贏過多個獎項,包括佢為法拉利車隊奪得嘅首個世界賽冠軍,同埋2000年嘅F1世界錦標賽車手總冠軍,而喺巴西大獎賽上,佢亦都係揸呢部車取勝。蘇富比話呢部戰車退役後經廠商全面修復,獲法拉利認證,可參與法拉利嘅F1客戶活動。蘇富比網站列出嘅估價係750萬至950萬美元(即5887萬至7547萬港元)。

另有畢加索及張大千作品

今次都有唔少藝術品拍賣,包括畢加索喺1948年繪畫嘅《坐椅女子》,畫中人係佢愛人Françoise Gilot,而拍賣行話「估價待詢」。拍賣品亦包括張大千《花開十丈影參差》畫作,預料成交價逾2億港元。至於一幅奈良美智2012年創作嘅《乳白色湖中》亦估價8000萬至1.2億港元。

相關字詞﹕奈良美智 畢加索 米高舒麥加 蘇富比

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

粵港澳首條磁浮旅遊專線 年底清遠開通


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部