华侨网 港澳新闻 【Emily】建造業考察深中通道 登「基建神器」

【Emily】建造業考察深中通道 登「基建神器」

建造業議會率團去大灣區考察內地嘅建造技術,立法會議員劉國勳(右一)都有參加,行程包括考察接連中山及深圳嘅跨海大橋「深中通道」。圖片所見吊橋已到橋面裝設工序。(劉國勳提供)
建造業議會率團去大灣區考察內地嘅建造技術,立法會議員劉國勳(右一)都有參加,行程包括考察接連中山及深圳嘅跨海大橋「深中通道」。圖片所見吊橋已到橋面裝設工序。(劉國勳提供)

【明報專訊】大灣區目前有唔少大型基建整緊,建造業議會上周末就率團北上考察,同行嘅有發展局常任秘書長劉俊傑、路政署長陳派明、土木工程拓展署署長方學誠,以及民建聯立法會議員劉國勳。佢哋一行人仲有機會登上內地兩項最勁嘅「基建神器」,即沉管船舶工程使用嘅船「一航津安1」,以及用作海底平整工程嘅船「一航津平2」。

劉國勳話,今次考察重點之一,係全長24公里,橫跨珠江口、連接深圳與中山嘅吊橋「深中通道」。深中通道地理上於港珠澳大橋以北,走線跟港珠澳大橋平行,預計2024年通車,曾有評論指深中通道會分走港珠澳大橋嘅車流。

一次整平海底範圍6個籃球場面積

劉國勳話,今次行程有中交建集團、中國路橋集團等專家解說工程技術。佢哋仲可以登上中國巨型工程船,包括「一航津安1」及「一航津平2」。前者被譽為世界安裝能力最大、性能最先進嘅專業沉管施工船舶;後者係一艘自升式碎石鋪設整平船,負責喺海底平整工程,話一次整平範圍可達6個標準籃球場面積。

劉國勳話,希望政府、建造界能持續與內地建造界交流,喺香港基建工程例如交椅洲填海等引入新技術,降低成本。

相關字詞﹕深中通道 劉國勳

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

賀一誠:推動澳門「一國兩制」開創新局面

港人赴深圳墓園祭掃 需提前預約


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部